حرص عدد من الفنانين على دعم الفنانة شيرين عبدالوهاب، بعد تعرضها لأزمة خلال الساعات الماضية، والتي أثارت الجدل عبر مواقع التواصل الاجتماعي، ودعمتها الفنانة منة شلبي، وإيناس عز الدين، ونشوى مصطفى، وراندا البحيري.

ودعمت الفنانة منة شلبي الفنانة شيرين عبدالوهاب، وقالت خلال حوارها مع قناة «الجديدة» من حفل مهرجان «مويكس دور» في لبنان، عن شيرين «سيبوها في حالها وادعولها، فكروا فيها كفنانة وفي موهبتها، وأنها إنسانة ومن الطبيعي يحصل لها صعود وهبوط، ومن الممكن أن تخطئ».

وأضافت منة: «الفنان مش رسول، هو رسول لفنه، ولكن هو إنسان وليه حياته الشخصية ومش من حق الناس تقعد تقول رأيها فيه».

إيناس عز الدين لشيرين عبدالوهاب: «واجعة قلبي باللي بتعمله»

كتبت الفنانة ايناس عز الدين عبر حسابها الشخصي بموقع التواصل الاجتماعي «فيسبوك» قائلة : «شيرين انا بحبها لدرجة اني نفسي أمسكها وأفضل الطش فيها بكل قوتي لحد ما تفوق وترجع لنفسها».

أضافت : «واجعة قلبي باللي بتعمله في نفسها وباللي بيعمله اللي حواليها فيها، كانت محتاجة حاجة وناقصاها وعايزة تعيشها وحسام استغل ده فيها وداس بكل ما فيه من قوة وهدمها فنيًا ومعنويًا ونفسيًا وكمان صحيا».

تابعت : «الضعف والاحتياج المعنوي هما الوسيلة اللي شيرين اتأذت بسببهم.. كفاياكم جلد وتقطيع فيها ربنا ما يكتب عليكم اللي هي فيه وينتقم من اللي كان السبب».